+21 °С
Облачно
Общие статьи
16 Мая 2024, 10:45
Район башҡорттары ҡоролтайы ултырышы үтте
Бөгөн район Мәҙәниәт йортонда Стәрлебаш районы башҡорттары ҡоролтайының сираттағы ултырышы үтте. Сараға район һәм ауыл биләмәләре башлыҡтары, ауыл старосталары, “Ағинәйҙәр” һәм “Атайҙар ҡоро” клубтары, башҡорт теле һәм әҙәбиәте уҡытыусылары, китапхана, мәҙәниәт йорттары мөдирҙәре, төрлө ойошма етәкселәре саҡырылғайны. Мәртәбәле ҡунаҡтар - шағирә, “Аҡбуҙат” республика балалар журналы мөхәррире Лариса Абдуллина, Башҡортостан Республикаһы Мәғариф һәм фән министрлығының Милли мәғариф идаралығы начальнигы Илдус Ҡаһармановтың ҡатнашыуы сараға йәм өҫтәне.
Район башҡорттары ҡоролтайы ултырышы үтте
Ҡунаҡтарҙы һәм делегаттарҙы район хакимиәте башлығы Рөстәм Рахманғолов сәләмләп, ҡыҫҡаса район ҡаҙаныштары тураһында һөйләне. Бөтә донъя башҡорттары ҡоролтайы башҡарма комитеты ағзаһы Лариса Абдуллина үҫеп килгән быуында туған телгә һөйөү тәрбиәләү эше, ғаилә ҡиммәттәре, берҙәм булып, йәштәргә һәр яҡлап өлгө булып йәшәү мөһим тип билдәләне. Илдус Фәнил улы ла йыйылыусыларҙың иғтибарын халҡыбыҙҙа быуындан-быуынға күсә килгән матур йолаларын дауам итеп, үҙ телебеҙҙе һаҡлап, йәштәр менән эшләүҙең мөһимлегенә йүнәлтте. Район башҡорттар ҡоролтайының башҡарма комитеты рәйесе Илдар Моратов ҡоролтайҙың һуңғы осорҙағы эшмәкәрлеге менән таныштырҙы.
Артабан VI Бөтә донъя башҡорттары ҡоролтайына делегаттар һайланды.
