+24 °С
Дождь
Общие статьи
17 Января 2025, 04:05
Изге йома мөбәрәк булһын!
Бөгөн Рәжәб айының 17-се көнө, йома.«Әгәр миңә табан бер аҙым атлаһағыҙ, мин һеҙгә ҡаршы ун аҙым атлармын», тигән Аллаһ Тәғәлә! Ул бөйөк һәм һәр эштең хәйерлеһен ҡылһын. Ул беҙгә нимә кәрәген беҙҙән яҡшыраҡ белеүсе.
«Эй, һеҙ, иман килтергән бәндәләр! Әгәр йома көн йома намаҙына саҡырып аҙан ишетһәгеҙ, Аллаһ Тәғәләнең зекере булған йома намаҙын үтәү өсөн мәсеттәргә ашығығыҙ, донъя мәшәҡәттәре, һатыу-алыу кеүек эштәрегеҙҙән туҡталып тороғоҙ. Әгәр белһәгеҙ, был һеҙҙең өсөн һауаплыраҡ үә яҡшыраҡ. Намаҙ тамам булғас, мәсеттәрҙә йәмәғәт менән йома намаҙын үтәгәс, ер йөҙөнә таралығыҙ һәм Аллаһ Тәғәләнең фазлы рәхмәтен, йомартлығын эҙләгеҙ. Аллаһ Тәғәләне йыш иҫкә алығыҙ, бәлки һеҙ бәхетле булырһығыҙ!», тиелә Ҡөрьән- Кәрим китабында.
Ҡөрьән Кәрим: «Аллаһ Тәғәләнең берлегенә һәм барлығына ысын күңелдән ышанып, телдән генә Ләә иләһә илләл-лаһу Мүхәммәдүр-рәсүлүл-лаһ» – кәлимәһе әйтеп иман килтергән һәм ғилем,белем үә мәғрифәткә эйә булғандарҙы Аллаһ Тәғәлә юғары һәм бөйөк урындарға күтәрә. ("Мүжәдәлә" сүрәһе; 11-се аят).
Йома мөбәрәк булһын, мосолман ҡәрҙәштәр!
Р.ЙӘҒӘФӘРОВ фотоһы.
Изге йома мөбәрәк булһын!
