+10 °С
Облачно
Общие статьи
28 Августа 2025, 10:20
РӘХМӘТ ҺҮҘЕ!
Яҡын кешеңде юғалтыу бик ауыр. 19 августа ҡәҙерле тормош иптәшем, яратҡан атайыбыҙ Асҡаров Кәрим Хәмзә улы арабыҙҙан китте. Ул оло йөрәкле, изгелекле, ярҙамсыл, сабыр, һәйбәт кеше булды, эшендә хөрмәт иттеләр. Уны һуңғы юлға оҙатырға бик күп кеше килде. Ауыр ҡайғыбыҙҙы уртаҡлашҡан, мәрхүмде һуңғы юлға оҙатҡанда һәр яҡлап ярҙам иткән туғандарға, ауылдаштарға, күршеләргә, коллегаларға, «Нур» агрофирмаһы йәмғиәте етәксеһенә, Стәрлебаш үҙәк район дауаханаһының хирургия бүлеге хеҙмәткәрҙәренә рәхмәт һүҙҙәребеҙҙе еткерәбеҙ. Һеҙҙе ҡайғы - хәсрәт урап үтһен. Ҡәҙерлебеҙҙең урыны ожмахта, йәне йәннәттә булһын, тыныс ятһын.
РӘХМӘТ ҺҮҘЕ!
Юғалтыу
Тормош иптәшемде юғалттым,
Мәңгелеккә уны оҙаттым.
Күңелем һыҙлай эстән туҡтауһыҙ,
Күҙ йәштәрем аға һорауһыҙ.
Ышаныслы ғаилә башлығы,
Изге, ярҙамсыл, ғәҙел, яуаплы.
Бар яҡлап та булдың һин уңған,
Яҡшы ир, атай һәм туған.
Оҙатырға һуңғы юлыңа,
Ауылдаштар дәррәү килделәр.
Ҡәҙер - хөрмәт ысын күңелдән,
Урының булһын йәннәт түренән.
Юҡһынабыҙ һине көн һайын,
Түҙеп тороуҙары, аһ, ҡыйын.
Тыныс йоҡла, Кәрим, бәхил бул,
Онотмайбыҙ, һин иҫтәһең гел.
Ҡатыны Шәһүрә, балалары.
Күндерәк ауылы.
Новости партнеров
