Все новости
В АПК района
30 Июля , 10:55

Сәламәт яшәүнең 10 кагыйдәсе

1. Күп тә ашамагыз, бик аз да ярамый. Сәламәт булу өчен дөрес туклану мөһим.  

Сәламәт яшәүнең 10 кагыйдәсе

2. Бавыр һәм чикләвекне еш ашаган хатын-кызның беренче җыерчыклары соңрак барлыкка килә. 40 яшьтә бетакаротин бик файдалы. 50дән узгач сөякләрне формада тоту өчен - кальций, йөрәк эшчәнлеге өчен магний яхшы. Балык йөрәк-кан тамырлары авыруларын кисәтү өчен кирәк. 40 яшьтән узган ир-атларга селен киңәш ителә. Бу матдә сырда һәм бөердә күп була. 
3. Эшләгез. Кайбер төр һөнәрләр кешене яшәртергә сәләтле, ди социологлар. Эшләмәгән кеше биш яшькә олырак күренә икән. 
4. Мәхәббәт, наз - картлыкка каршы иң яхшы дару. Әлеге хисләр организмда эндорфин, ягъни бәхет гормоны бүлеп чыгара. Бу иммун системасын ныгыта. 
5. Һәрвакытта, һәрнәрсәгә карата үз фикерегез булсын. 
6. Хәрәкәттә - бәрәкәт. Көненә сигез минут кына булса да физик күнегүләр ясау гомерне озайта. 
7. Йокы бүлмәсендә җылылык 17-18 градус булырга тиеш. 
8. Ара-тирә үз-үзегезне сөендерегез. Ошаган кием-салымны алып киегез, җаныгыз теләгән ризыкны ашагыз. 
9. Юк-барга үз-үзегезне битәрләмәгез. Сораштырулар күрсәткәнчә, яман шеш авырулы кешеләрнең 64 проценты борчуын үз эченә җыя.
10. Баш миен вакыт-вакыт эшләтеп торырга кирәк. Кроссворд чишегез, коллектив уеннарда катнашыгыз, чит телләрне өйрәнегез. Күңелдән мисаллар эшләгез. Бу баш мие өчен генә түгел, йөрәк эшчәнлеге, матдәләр алмашы өчен дә файдалы.

Чыганак: http://shahrikazan.ru

Фото: Пиксабай

Автор:Гайния Галимова