Ысын күңелдән ҡотлайбыҙ!

Һөйөклө әсәйебеҙ, өләсәйебеҙҙе, хөрмәтле атайыбыҙ, олатайыбыҙҙы күркәм 85 йәшлек юбилейҙары менән ҡайнар ҡотлайбыҙ һәм иң изге теләктәребеҙҙе, рәхмәт һүҙҙәребеҙҙе еткерәбеҙ. Ҡәҙерлеләребеҙ! Һеҙгә ныҡлы һаулыҡ, шатлыҡ - ҡыуаныстарға тулы көндәр, именлек теләйбеҙ. Оҙаҡ йылдар бер-берегеҙҙе аңлап, ҡәҙер-хөрмәт итеп лайыҡлы ғүмер юлы үттегеҙ. Һеҙ беҙҙең терәк - таянысыбыҙ, кәңәшсебеҙ, һеҙ булғанда бәхетебеҙ тулы, һеҙҙең фатиха менән аҙымдарыбыҙ ышаныслы. Киләсәктә лә йән тыныслығында, бер - берегеҙгә терәк - таяныс булып, балаларығыҙҙың, ейән-ейәнсәрҙәрегеҙҙең, бүләләрегеҙҙең изгелектәрен, игелектәрен күреп, ихтирамын тойоп, уларҙың уңыштарына шатланып матур ғүмер миҙгелдәре кисереп йәшәргә яҙһын. Һеҙгә барыһы өсөн дә ҙур рәхмәт! Беҙ һеҙҙе яратабыҙ һәм хөрмәт итәбеҙ.
Ғүмер буйы шулай тәҙрәләрҙә
Балҡып торһа ине утыбыҙ.
Һәр саҡ беҙҙе ҡаршы алһа ине
Атай, әсәй, тыуған йортобоҙ.
Насип булһын артабан да йәшәү
Ғаилә бәхетенә йыуанып,
Бар шатлығын, бәхет һәм рәхәтен
Был донъяның татып, ҡыуанып.
Иң изге теләктәр менән киленегеҙ, ҡыҙҙарығыҙ, кейәүҙәрегеҙ, ейән - ейәнсәрҙәрегеҙ, бүлә - бүләсәрҙәрегеҙ, барлыҡ туғандарығыҙ һәм яҡындарығыҙ.