Киләсәк быуынға артабан тыныслыҡтың ҡәҙерен белеп йәшәргә яҙһын!

Өлкән быуын кешеләре, ғәҙәттәгесә, бындай мөһим ваҡиғанан ситтә ҡалмай. Ауыл мәсете имам-хатибы Вәғиз ағай Сабитов һайлауға килеп үҙенең гражданлыҡ бурысын үтәне.  Балалар баҡсаһында эшләүсе Филүзә Хәсәнова ла тәүгеләрҙән килеп тауыш бирҙе. Уның тормош иптәше Рәлиф махсус хәрби операцияла  ҡатнаша.  "Илебеҙ тыныс булһын! Украиналағы махсус хәрби операция туҡтаһын, киләсәк быуынға артабан тыныслыҡтың ҡәҙерен белеп йәшәргә насип булһын ине" тигән теләктәрен белдерҙе ул. Һайлауға ғаиләләре менән бергәләп килеүселәр ҙә бар.